Nevndin í Føroya Pedagogfelag handaði í dag Kommunala Arbeiðsgevarafelag og Fíggjarmálaráðnum sáttmálakrøvini, sokallaðu serkrøvini og byrjaði hervið av álvara sáttmálasamráðingarnar.

Sáttmálin gongur út tann 1. Oktobur og samráðst verður um felagskrøv við Fakfelagssamstarvinum, samstundis sum vit samráðast um okkara serkrøv.

Næsti samráðingarfundur um felagskrøv verður tann 20. August kl.10.00 og serkrøv verða á skránni aftur tann 2. Septembur kl.13.00.

Nevndin leggur upp til positivar samráðingar og vónar, at vit kunnu røkka teimum málum sum nevndin sjálv og limir okkara hava raðfest.

Nevndin í Føroya Pedagogfelag fegnast um, at tað allíkavæl eydnaðist 40 lesandi at sleppa inn á Fróðskaparsetur Føroya at lesa til námsfrøðing. Góða eydnu við lesnaðinum ynskja vit tykkum.

Avgerð er fallin í Fasta Gerðarrættinum um tulkingarósemjuna millum Føroya Pedagogfelag og KAF.

Pedagogfelagið tapti málið og tulkingin hjá KAF er tí tann sum nú er galdandi. Felagið ger fyri limunum greitt, at vit eru sera hørm um úrskurðin og at vit ikki meta at niðurstøðan tænir okkara limum. Tað er fyri okkum torført at skilja, at limirnir í Føroya Pedagogfelag út frá úrskurðinum framhaldandi kunnu verða í teirri støðu, at ójavni er á lønunum. Felagið ivast í um Fasti Gerðarætturin nóg væl skilir okkara sjónarmið, men mugu vit í verandi støðu taka úrskurðin til eftirtektar.

Úrskurðurin kann lesast við at trýsta á leinkjuna.

Attachments:

fasti.pdf

[ ]

749 Kb

Í samband við at Føroya rættur hevur felt dóm sum sigur, at Javnstøðulógin gevur pápum somu rættindi sum mammum til barsilsfarloyvi eftir 14. viku, leggja vit hesa vegleiðing til kunningar. Javnstøðulógin fer í hesum føri framum Barsilslógina og sáttmálarnar hjá ymisku fakfeløgunum.